Partia e Lirisë po zhvillon sot në Pallatin e Kongreseve Konventën Kombëtare, e thirrur nga Ilir Meta, me qëllim sipas këtij të fundit, Rithemelimin dhe shkëputje
Meta ka paralajmëruar që përmes ndryshimeve statutore do ta shkëpusë partinë nga nepotizmi, moment që largon automatikisht Monika Kryemadhin nga strukturat drejtuese.
Kryemadhi, teksa ka mbërritur në Konventë, duket se ka pranuar vendimet e Metës dhe është tërhequr nga beteja politike me bashkëshortin e saj, duke parlajmëruar edhe largimin e saj nga politika.
‘Ka ardhur koha që priorietet janë familja Bora, Besi dhe Era.’- tha Kryemadhi.
Pse nuk e sfiduat Ilir Metën?
‘Po jua them dhe një herë. Pas 30 viteve ka ardhur koha që Monika nuk do të luftojë më e nuk do të bëjë më shfaqje, por Monika do të shikojë prioritetet e tjera. Në 30 vjet Monika ka qenë gladiatore në arenën e luftës, por do të shikoj prioritet të tjera’- tha Kryemadhi.
Në fjalën e tij para gazetarëve në hyrje të pallatit të Kongreseve Meta deklaroi se konventa nuk ka të bëjë me Monika Kryemadhin por me zhdukjen e nepotizmit.
Në kryesi me Kryemadhin jemi të barabartë. Nuk është konventë kundër Monikës, meqë keni hadhin e Monikës
Pak para fillimit Meta u shfaq i nervozuar me stafin e tij. Kreu i PL-së pati kritika edhe për energjinë e të rinjve.
‘Rinia e plakur, hajde. Po të ec me ritmin tuaj unë, 700 vjet rri Rama në pushtet!’ dëgjohet të thotë Ilir Meta në nisje të Konventës.
