TIRANË– Deputeti i Partisë Socialiste Damian Gjiknuri ka folur këtë të premte në lidhje me dosjen e inceneratorëve ku përmendet emri i tij dhe për lidhjen e tij me një nga biznesmenët e kësaj afere tashmë të shpallur në kërkim Klodian Zoto. Gjatë fjalës së tij në konferencën e prezantimit të Blendi Klosit si Sekretar i Përgjithshëm i PS, Gjiknuri tha se Zoton e njeh prej vitit 2001 ku ka punuar me të në Ministrinë e Mbrojtjes, ndërsa shtoi se ai nuk është një terririst ndërkombëtar ndërsa duhen gjykuar veprimet.
Pyetja– Ju deklaruart se keni shkuar me gazetarët por asnjëri nuk ka marrë kontratë nga shteti. Sa normale është kjo procedurë në favor të kompanisë së një personi që rezulton se ka paguar hotele për ju. Nuk ju shqetëson që ky ka marrë të dhënat personale për ju.
Damian Gjiknuri– Unë shqetësohem për veprimet që bëj vetë. Moszbatimi i ligjit do ishte krim. Nuk kanë lidhje njëra me tjetrën. Unë nuk kam propozuar që të bëhet impianti i djegies, nuk e gjykoj që ishte gabim. Drejtësia do e nxjerrë, po deri më tani nuk ka dalë që unë kam përfituar. Këta ishin 2 njerëz që bënin bizneset e tyre, njërin e njoh që në vitin 2001 kur punova në ministrinë e mbrojtjes me të, por mos gjykoni veprimet e 10-15 vjet më parë. Nuk është terrorist ndërkombëtar. Vendimarrjet janë vepra për t’u gjykuar.
