TIRANË– Prokuroria e Posaçme Kundër Korrupsionit dhe Krimit të Organizuar (SPAK) i ka dorëzuar zyrtarisht kërkesën Interpolit për shpalljen në kërkim ndërkombëtar të ish-zëvendëskryeministrit Arben Ahmetaj. Pas verifikimeve në sistemin Tims dhe kontrolleve të banesave policia i është shprehur SPAK-ut për pamundësinë e ekzekutimit të masës ndaj Ahmetaj. Ky i fundit të paktën sipas deklarimeve të avokatëve të tij ndodhet në Britaninë e Madhe.
Prokuroria e Posaçme Kundër Korrupsionit dhe Krimit të Organizuar (SPAK) i ka kërkuar Kuvendit më datë 10 korrik 2023 heqjen e mandatit të ish-ministrit të Financave tashmë deputet i PS dhe lejen për arrestimin e tij. Arben Ahmetaj, ish-numri dy i qeverisë Rama akuzohet nga SPAK për tre vepra penale: “Mosdeklarim apo fshehje të pasurive”, “Korrupsion pasiv” si dhe “Pastrim parash”.
