TIRANË– Gjykata e Posaçme Kundër Korrupsionit dhe Krimit të Organizuar (GJKKO) ka kaluar këtë të premte për gjykim çështjen e Inceneratorit të Fierit ku ka bërë dhe disa ndyshime. Për ish-deputetin Aliq Bllako, gjykata e konsideroi atë funksionar publik dhe jo zyrtar të lartë, duke lehtësuar pozitën e tij sipas ligjit. Ndërsa për supervizorin Arben Dervishaj ra akuza e shpërdorimit të detyrës. Ndërkohë GJKKO ka pushuar çështjen ndaj Enver Sheshit pasi ky i fundit ndërroi jetë pak muaj më parë. Në një deklaratë për gazetarët, avokatii të pandehurve deklaroi se ka devijim të hetimit në lidhje me këtë çështje.
Avokati: Ka qenë detyrë e administratorit të ri dhe ministrit të ri që ka zëvendësuar Lefter Kokën. Është devijuar hetimi dhe kjo për mua është skandaloze. Personat që kanë shkelur rregullin e koncesionit. Nuk ka asnjë akt në dosje se kush e ka vendosur zëvendësimin e firmës. Ekziston një vendim kur r kanë zëvendësuar si ortak nga Lefter Koka. Thotë që jam dakord që të zëvendësohet si ortak me kushtin që të përmbushë kushtet. Nuk e di kush ka qenë ministër në shtator. Nuk e di nëse është i përfshirë apo nuk ka marrë pëlqimin e kësaj ministri. A e kanë njoftuar ministrin? Këtë nuk e di. Ka devijim të hetimit. Nuk mund të ngrihet akuzë.
Po ashtu togat e zeza pushuan akuzën ndaj Robert Shabanit, pasi më herët ishte gjykuar njëherë për këtë akuzë dhe ishte dënuar nga Gjykata e Apelit të Tiranës. Për Klodian Zoton, rrjedhimisht bie akuza e korrupsionit të zyrtarëve të lartë duke u akuzuar për korrupsion të funksionarëve publik. E njëjta vepër rëndon e rikualifikuar për Arjola Kodrën e Giuseppe Ciaffaglione.
Avokati i ish-deputetit socialist Alqi Bllako tha për mediat se çështja duhet të ishte pushuar ndërsa shtoi se nuk do të ndalen deri në plotësimin e kërkesës së tyre që çështja penale ndaj Alqi Bllakos të rrëzohet.
Avokati: Unë vazhdon të ritheksoj se akuza s ai përket në themelin e saj si korrupsion nuk ekziston ndaj Alqi Bllakos, ndonëse gjykata e artikuloi përgjysmë atë që i kemi kërkuar gjykatës. Ne do të vazhdojmë të mëshojmë që të artikulojë edhe gjykata e themelit atë që nuk ka ndodhur me Alqi Bllakon. Çështja penale ndaj Alqi Bllakos duhet pushuar. E kam thënë disa herë, detyra e sekretarit të përgjithshëm nuk përfshihen në rrethin e individëve që quhen funksionarë të lartë publik. Alqi Bllako dhe përgjysmimi që i dha gjykata është përsëri i pabazuar në ligj. Ne prandaj po kërkojmë rrëzimin.
