TIRANË– Prokuroria e Posaçme Kundër Korrupsionit dhe Krimit të Organizuar (SPAK) ka kërkuar këtë të hënë 10 vite burg për ish-ministrin e Mjedisit Lefter Koka në lidhje me akuzat e ngritura ndaj për inceneratorin e Fierit. Me gjykim te shkurtuar shkon në 6 vite e 8 muaj burg.
Ndërsa për ish-Sekretarin e Përgjithshëm të Ministrisë së Mjedisit dhe ish-deputetin socialist Alqi Bllako SPAK ka kërkuar 7 vjet burg që me gjykim të shkurtuar shkon në 4 vjete 8 muaj. Ndërkohë për Klodian Zoton Prokuroria e Posaçme kërkon 12 vite që me gjykim të shkurtuar shkon në 8 vjet.
SPAK kërkon:
- Alqi Bllako – 7 vite burg ( 4 vjet e 8 muaj )
- Lefter Koka- nga 10 vite burg ulet dënimi në 6 vite e 8 muaj
- Klodian Zoto – 12 vite burg
- Arben Dervishaj 4 vite burg ( 2 vite e 8 muaj )
Ndërkohë po vijon pretenca për të pandehurit e tjerë.
