TIRANË– Një incident është regjistruar sot në hyrje të Parlamentit. Një person, ende i paidentifikuar ka dashur të parkojë makinën e tij në hyrje të godinës qeveritare, ndonëse është e ndaluar, dhe në tentativë për të futur aty mjetin, ka dëmtuar traun e vendosur aty dhe që ruhet nga Garda e Republikës.
Mësohet se personi në fjalë dyshohet se vuan nga problemet e depresionit dhe kurohej me ilaçe. Tashmë ai ndodhet në komisariatin nr.1 të policisë për veprime të mëtejshme hetimore.
