ITALI– Është arrestuar në Itali Davide Pecorelli, i cili inskenoi zhdukjen në Shqipëri. Kjo është bërë e ditur ga Policia e Perugias e cila njofton se është kryer arrestimi i tij me qëllim ekstradimin drejt shtetit shqiptar.
“Nga hetimet e Policisë së Shtetit ka rezultuar se në janar të vitit 2021 Pecorelli, për t’i shpëtuar borxheve financiare të kontraktuara në Itali, i kishte vënë flakën një makinë të marrë me qira në fshatin Rras të Shqipërisë, në brendësi të të cilës janë kishte gjetur mbetjet e eshtrave të një njeriu për të simuluar vdekjen e tij. Dokumentet e arrestimit të sotëm i janë dërguar Prokurorit të Përgjithshëm të Perugias, Sergio Sottani, për t’u dorëzuar të hënën në verifikim në Gjykatën e Apelit të Perugias”, thuhet në deklaratë.
Pecorelli më vonë u gjet i gjallë më 17 shtator 2021 në ishullin Montecristo, në Itali. Pecorelli do të merret i pandehur për akuzën e “Shkatërrimit të pronës me zjarr”, pasi ka djegur me benzinë makinën “Skoda” që kishte marrë me qira në afërsi të Rinasit në Tiranë. Akuza të tjera që pritet të ngrihen ndaj tij, janë “Kallëzimi i Rremë” duke e shoqëruar me krijim të provave të rreme, “Kalim të paligjshëm të kufirit Shqiptar”, dhe “Ushtrim i veprimtarisë tregtare pa licencë”.
