Rëndësia që ka biblioteka në jetën e çdo qytetari, qëndron në faktin se ajo është përgjegjëse për menaxhimin e njohurive njerëzore për përhapjen e saj korrekte dhe, për këtë arsye, duke e bërë shoqërinë të kuptojë vlerën e informacionit si në të tashmen ashtu edhe në të ardhmen. I ftuar në “Ora e Tiranës”, Dritan Dango, administrator i njësisë 8, ka zgjedhur të flasi pikërisht për bibliotekën e asaj lagjeje, e cila është hapur në vitin 1963 në rrugen “Ali Pashë Gucia” aktualisht ndodhet në rrugën “Thanas Ziko”. Kjo bibliotekë disponon 15 000 tituj librash.
Sipas Dangos, institucioni kulturor i njësisë 8 është më i frekuentuari në Bashkinë e Tiranës. Një nga mundësitë që ky institucion kulturor të jep, është jo vetëm që qytetarët mund të shkojnë dhe të lexojnë libra, por mund të zhvillojnë trajnime, seminare të ndryshme, dhe gjithashtu për promovime libri të cilët autorët shkojnë dhe i dhurojnë në bibliotekë.
“Shih ç’më ka bërë diçka përshtypje, diku para tre viteve donim të fusnim si një risi tek biblioteka, instaluam disa kompjutera ku studentët apo kushdo që të vinte përveç librit ta merrte dhe informacionin nga interneti. Ndodhi fakti që të gjithë që preferonin që ta mernin informacionin nga libri dhe jo nga interneti dhe ajo çfarë na bëri ishte të ndërprisnim komplet ktë pjesën digitale dhe ta linim vetëm tek pjesa klasike”-tha Dango.
Kjo bibliotekë nis që në mëngjes, ku të gjithë pensionistët, së bashku me kafen e tyre të mëngjesit, futen në bibliotekë dhe lexojnë gazeta, duke u informuar për çdo gjë lidhur rreth tyre.
“Biblioteka “Hamit Beqaj” ka një bashkëpunim me të gjitha shkollat e njësisë 8, 9-vjeçare apo gjimnaze, për të cilat neve bëjmë orë mësimi dhe leximi në bibliotekë, vetëm e vetëm për edukimin e brezit të ri për sa i përket qasjes ndaj librave”.-u shpreh Dango.
