TIRANË– Sistemi i shërbime dixhitale në vend është në kolasp. Që prej të premtes së 11 gushtit aplikacioni qeveritar i shërbimeve elektronike e-Albania është në kolap dhe nuk ofron shërbime për qytetarët. Këta të fundit nuk mund të kryejnë shërbimet e kadastres, tatimet dhe çdo shërbim tjetër tashmë të “dixhitalizuar”. Kështu Newszone.al ka mësuar se shkak për këtë është bërë rënia e serverave të Agjensisë Kombëtare të Shoqërisë së Informacionit (AKSHI).
Kujtojmë se së fundmi aplikimet në Kadastra dhe çdo shërbim tjetër që ka të bëjë me këtë institucion kaloi online por duket se tashmë “motorët” janë fikur shpejt dhe ky shërbim ka mbetur në ‘’rrugë’’ pasi qytetarët për më shumë se 10 ditë nuk marrin dot shërbim online. Të njëjtin problem qytetarët kanë hasur dhe sa u përket tatimeve. Në lidhje me këtë nuk ka ende një reagim zyrtar nga AKSHI.
