Analisti Bedri Elezi është shprehur se inteligjenca amerikane ka pasur informacione për tensionet në Kosovë dhe sipas tij, informacionet që ka pasur i ka ndarë dhe me KFOR.
I ftuar në Euronews Albania, ai nënvizoi se informacionet nuk janë trajtuar tamam nga KFOR dhe nga institucionet e Kosovës, ndryshe nuk do ishte krijuar kjo situatë.
“Mund të themi se Inteligjenca Amerikane ka pasur informacionet e duhura në kohë reale dhe të njëjtat i ka ndarë me KFOR që është pjesë e kësaj strukture dhe ka përgjegjësinë për sovranitetin e Kosovës. Pa dyshim që këto informacione nuk janë trajtuar tamam as nga KFOR dhe as nga institucionet tona”, tha ai.
