Sot në Gjykatën e Posaçme Kundër Korrupsionit dhe Krimit të Organizuar (GJKKO) po shqyrtohet kërkesa për ndryshimin e masës së sigurisë për kryetarin e Partisë së Lirisë, Ilir Meta.
Gjyqtarja Irena Gjoka ka kërkuar të tërhiqet nga kjo çështje, por kërkesa e saj është refuzuar nga kryetari i GJKKO, Erion Bani. Ilir Meta nuk ka qenë i pranishëm në seancë.
Më 29 gusht, Prokuroria e Posaçme Kundër Korrupsionit (SPAK) mbylli hetimet dhe dërgoi për gjykim Ilir Metën dhe Monika Kryemadhin, nën akuza për korrupsion pasiv, pastrim parash dhe mosdeklarim të pasurisë.
SPAK pretendon se gjatë hetimeve janë zbuluar skema korrupsioni dhe abuzimesh me pushtetin, ku përveç Metës dhe Kryemadhit, për gjykim janë dërguar edhe tre persona të tjerë.
Seanca e parë paraprake është caktuar për më 25 shtator, ku gjyqtarja Irena Gjoka do të vendosë nëse dosja do të kalojë për gjykim, do të kthehet në SPAK për hetime të mëtejshme, apo do të pushohen hetimet.
