TIRANË- Një apartament është përfshirë nga zjarri në zonën e ish-bllokut në kryeqytet. Flakët kanë përfshirë një banesë në katin e gjashtë të një pallati në rrugën “Abdyl Frashëri”. Nga informacionet paraprakte nuk raportohet për të lënduar, vetëm dëme materiale. Në vendin e ngjarjes kanë mbërritur menjëherë shërbimet e Policisë dhe shërbimet zjarrfikëse.
NJOFTIMI I POLICISË:
Tiranë/Informacion paraprak
Rreth orës 12:00, ka rënë zjarr në katin e 6-të të një pallati, në rrugën “Abdyl Frashëri”.
Në vendin e ngjarjes kanë shkuar shërbimet e Policisë dhe shërbimet zjarrfikëse.
Paraprakisht dyshohet se zjarri është shkaktuar aksidentalisht. Grupi hetimor po punon për zbardhjen e rrethanave të ngjarjes.
