TIRANË– Familjarët e Jetmira Hasanit kanë kërkuar që Agron Tanushi, vrasësi i vajzës së tyre të dënohet me burgim të përjetshëm dhe jo me 28 vite siç vendosi këtë të mërkurë Gjykata e Apelit në Tiranë. Për mediat nëna e viktimës tha se Tanushi duhet dënuar me burgim të përjetshëm pasi nëse del nga burgu shkon dhe i vret,
Nëna e viktimës: Shteti ta dënojë përjetë, kemi frikë. Ai na shau në gjykatë, një herë na vrau…. Ky në rrugë na shante, tani ca të bëjmë ne? Ta vrasim? Doli Dan Hutra, vrau disa, a kështu do bëjmë dhe ne? Unë nuk i kërkoj gjë shtetit, e vras. Janë ngjarje që nuk kanë si të jenë ndryshe. Ai dënohet 28 vite. Ne thamë të gjitha gjërat që ai ka bërë. Nëse mundem ia jap unë dënimin, po ai është më i zoti, se është mësuar të vrasë.
Ngjarja e rëndë u regjistrua më 16 korrik të vitit 2020 në Bathore të Kamzës. Jetmira Hasani dhe Agron Tanushi kishin konflikte të shumta me njëri-tjetrin, madje e reja kishte kërkuar dhe ishte pajisur dhe me urdhër mbrojtje. Pas divorcit me vëllanë e Tanushit, Hasani sa herë vinte për pushime në Shqipëri pasi jetonte në Greqi ajo jetonte në banesën e Tanushit. Konfliktet u agravuan dhe mesditën e 16 korrikut Agron Tanushi mori kallashnikovin dhe e ekzekutoi në oborrin e banesës në sy të vajzës 8-vjeçare.
