Ish-presidenti amerikan Bill Clinton tha në një postim në Tëitter se aka rezultuar pozitiv për COVID-19 dhe ka përjetuar simptoma të lehta. Ai është shprehur mirënjohës që ka arritur të vaksinohet, gjë që ka ndikuar në përballimin e virusit.
“Jam mirënjohës që jam vaksinuar dhe përforcuar, gjë që e ka mbajtur rastin tim të butë,” tha ai.
Pak javë më parë, drejtoresha e Qendrës Amerikane për Kontrollin dhe Parandalimin e Sëmundjeve (CDC) Rochelle Walensky dhe Komisioneri i Administratës së Ushqimit dhe Barnave të SHBA Robert Califf gjithashtu kishin rezultuar pozitivë me simptoma të COVID.
Ish-sekretarja e shtetit dhe kandidatja demokrate për presidente Hillary Clinton, gruaja e ish-presidentit, doli pozitiv për COVID-19 në mars dhe përjetoi simptoma të lehta të ftohjes. Ajo tha në atë kohë se burri i saj rezultoi negativ, por do të karantinohej derisa familja të jetë “plotësisht e pastër”.
