TIRANË– Alda Klosi, ish-shefja e kabinetit e ish-ministrit Arben Ahmetaj ka gënjyer deri më tani. Këtët e vërteton dëshmia e saj e dhënë para hetuesve. Dei më sot Klosi kishte deklaruar në media se në momentin kur ndodhi vjedhja ajo nuk ka qenë në SHBA por në Shqipëri konkretisht në Agjensinë e Mbikqyerjes Financiare.
Dosja e ka nxjerrë “zbuluar Klosin, e cila deri më tani ka pasur deklarata kontradiktorr jo vetëm për vendndodhjen e saj në momentin e vjedhjes por dhe burimin e parave, që për një vend të vogël si Shqipëria 120 mijë euro janë një shumë e lartë sidomos kur ajo gjendet në shtëpinë e një ish-zyrtareje shteti me një rrogë 100.000 lekë të reja.
Dyshimet e hetuesve shtohen kur kemi të bëjmë me një zyrtare që ka pasur në dorë fondet e Rindërtimit krah ish-ministrit Arben Ahmetaj, një tjetër zyrtar i vënë “në shenjestrën” e gazetarëve dhe jo vetëm i akuzuar për korrupsion.
Pjesë nga dosja: Konkretisht, me datë 15.12.2022, rreth orës 14:10 min, është njoftuar Salla Operative e Policisë Tiranë se në Rrugën e “Kosovarëve”, tek pallati “Orion” është vjedhur banesa e shtetases Alda Klosi. Menjehere pas njoftimit të marrë është ngritur grupi hetimor dhe janë kryer veprimet e para hetimore. I është marrë deklarimi të dëmtuares shtetases Alda Klosi, e cila deklaron se, prej rreth dy muajve kishte marrë një banesë me qira tek pallati ‘Orion” në Rruga e “Kosovarëve”, ku jetonte së bashku me vajzën e saj te quajtuar Simona Klosi, e datëlindjes 20.09.2006. Me datë 15.12.2022, rreth orës 10.08 ajo ka dalë nga banesa, ka mbyllur derën me çelës dhe ka marrë makinën poshtë pallatit dhe ka shkuar në një takim me dy mikeshat e saj tek oshee. Mbasi ka mbaruar takimin ka shkuar në zyrë tek Autoriteti i Mbikqyrjes Financiare që ndodhet në afërsi të Gardës së Republikës. Rreth orës 14.00 atë e ka telefonuar vajza e saj Simona dhe i ka komunikuar se dera e banesës ishte e hapur, ajo i ka komunikuar se e kam mbyllur dhe më pas ka shkuar tek banesa ku ka konstatuar se tek dhoma e gjumit të gjitha rrobat e dollapit kanë qenë të hedhura mbi krevat dhe në dysheme. Pas kontrollit të bërë ajo sqaron se i mungonin të gjitha bizhuteritë të shumë viteve të cilat i ka patur tek sirtari i parë i komodinës së vogël, në krah të dollapit. Në lidhje me vjedhjen e banesës së saj e dëmtuara ka patur dyshimet kryesore tek pastruesja e cila quhet Rozeta Dobi.
Vjedhja ka ndodhur më datë 15 dhjetor kur në shtëpi nuk ndodhej askush. Rozeta Dobi punonte si pastruese në shtëpinë e ish-zyrtares së lartë në Kryeministri. Paratë janë vjedhur në kohë të ndryshme. Pasi kishin kryer grabitjen e fundit Dobi dhe i biri Havier Dobi e kthyen shtëpinë “përmbys” për ta bërë të dukej si grabitje. Pas kontrollit në shtëpi atyre iu gjetën dhe 404 mijë dollarë të tjerë, mijëra euro dhe bizhuteri, të cilat ishin fshehur në tubin e aspirimit. Rozeta e Havier Dobi e pranuan krimin para uniformave blu. Havieri me paratë e vjedhura kishte blerë makina luksi, të cilat i ekspozonte në rrjetet sociale.
