GREQIU– Autori i vrasjes së 50-vjeçarit shqiptar në Selanik një ditë më parë është vetëdorëzuar në Polici. Lajmi u konfirmua njga mediat greke, të cilat raportojnë se ai është një 45-vjeçar, baba i tre fëmijëve. Në momentin e dorëzimit në polici ai shoqërohej nga avokati. Në deklaratën e tij të parë para hetuesve ai ka deklaruar se ishte shok me viktimën dhe se gjithçka ka ndodhur pas një sherri.
Shkak i përleshjes dyshohet se kanë qenë çështjet financiare që kanë të bëjnë me viktimën dhe autorin. Policia greke thotë se autori ka qenë me precedent penalë ndërsa mjeti është në pronësi të bashkëjetueses së tij, edhe kjo nga Elbasani. Pritet që në orët në vijim të ketë më shumë detaje në lidhje me ngjarjen që alarmoi komunitetin shqiptar në Greqi dhe jo vetëm.
