ELBASAN– Një aksident i rëndë është regjistruar këtë të shtunë në vendin e quajtur “Kesha e Mimojës” në Librazhd. Raportohet se një makinë tip “Benz” është përplasur me një minibus në të cilin udhëtonin nxënës nga shkollat e Librazhdit dhe Prrenjasit të cilët po shkonin në eskursion në Gjirokastër.
Siç shihet edhe në fotot e siguruara nga Newszone aksidenti ka qenë i fortë pasi makina tip “Benz” ka marrë dëmtime të rënda në pjesën e përparme ndërkohë edhe minibusi ka marrë dëmtime. Fatmirësisht nuk raportohet për të plagosur por vetëm për dëme materiale. Dyshohet se shkak për aksidentin të jetë bërë lagështia në rrugë. Grupi hetimor i mbërritur në vendin e ngjarjes po punon për zbardhjen e plotë të shkaqeve të aksidentit.
