VLORË- Një automjet është përfshirë nga flakët në ecje e sipër mëngjesin e kësaj të premte, në rrugën Vlorë-Kuç. Mësohet se nga flakët janë shkaktuar vetëm dëme materiale. Paraprakisht dyshohet se zjarri ka rënë për shkak të një defekti në mjet.
NJOFTIMI I POLICISË:
Rreth orës 07:10, në rrugën Vlorë-Kuç, ka marrë flakë, në ecje e sipër, automjeti tip “Nisan” me drejtues shtetasin A. K. Nga flakët janë shkaktuar vetëm dëme materiale. Paraprakisht dyshohet se zjarri ka rënë për shkak të një defekti në mjet. Grupi hetimor po punon për sqarimin e plotë të rrethanave të ngjarjes.
