TIRANË– Atentati i një nate më parë në zonën e “Don Boskos” në kryeqytet ka tronditur mbarë opinionin publik. Mikesha e Mimoza Pajës, 60-vjeçares që mbeti e vrarë brenda lokalit ku punonte si banakiere ka rrëfyer dhe detaje nga jeta e dhimbshme e Mozës, siç e thërrisnin. Ajo ka treguar se 60-vjeçarja ka qenë në vështirësi ekonomike dhe se prej 3 vitesh i kishte ndërruar jetë dhe i shoqi. Ajo tregon se Mimoza Paja mblidhte kanaçe dhe i shiste pasi ishte në kushte ekstreme varfërie.
Mikesha: Ishte e varfër, mblidhte kanoçe dhe i shiste. Ka lënë 4 fëmije. Ishte e sëmurë me infeksion. Punonte për copën e bukës. Ishte me qira. Më thoshte që kam 6 muaj pa paguar qiranë. Ka pas punuar edhe në një lokal tjetër në lagje si pastruese. Punonte dy turne tek puna e re.
Atentati mafioz ndodhi mbrëmjen e djeshme në zonën e “Don Boskos” ku breshëri kallashnikovi u gjuajtën drejt lokalit në pronësi të Fatjon Muratit, një emër i njohur për botën e krimit. Murati dyshohet si i përfshirë në masakrën e e Fushë Krujës ku i vratë mbeti Brilant Marzinaj dhe dy miqtër e tij Diklen Vata dhe Besmir Hoxha. Fatjon Murati njihet si miku i Endrit Dokles. Si pasojë e të shtënave me armë mbeti e vrarë Mimoza Paja, 60 vjeçe, e cila punonte si banakiere si dhe u plagoaen 5 persona mes tyre dhe një vajzë 10-vjeçare që u dëmtua nga xhamat e thyer si pasojë e të shtënave. Të plagosurit e tjerë janë Sahit Murati (xhaxhai i Fatjon Muratit), Astrit Meraj, Emanuel Sala, Ermir Bejuku, Genc Shohalli, të gjithë jashtë rrezikut për jetën.
