FIER– Një makinë e Policisë së Shtetit është përfshirë në një aksident automobilistik mesditën e kësaj të hëne në Fier. Raportohet se ajo ishte në ndjekje të një personi që kërkohej nga Spanja kur u përplas me një automjet në lagjen “Sheq i Vogël”. Policia po heton ngjarjen.
NJOFTIMI I POLICISË:
Rreth orës 13:00, në lagjen “Sheq i Vogël”, Fier, automjeti tip “Suzuki” me drejtuese shtetasen R. H., 37 vjeçe, banuese në Fier, është përplasur me automjetin e Policisë tip “Hyundai” me drejtues punonjësin e Policisë F. G., 29 vjeç. Si pasojë e përplasjes ka vetëm dëme materiale. Grupi hetimor po punon për përcaktimin e shkakut të aksidentit.
