TIRANË– Një aksident i rëndë me katër të plagosur mes të cilëve dhe dy efektivë policie është regjistruar rreth orës 05:15 minuta të kësaj të enjtjeje tek iëura e “Vasil Shantos”.
Policia bën me dije se në aksidemt është përfshirë një Skoda” e Patrullës së Përgjithshme të Komisariatit të Policisë Nr. 2 dhe një makinë tip “BMW”.
Raportohet se makina e policisë ishte nisur në akaion për ti ardhur në ndihmë një tjetër patrulle që ishte vënë në ndjekje të dy personave me kapuç. Por në “Vasil Shanto” u përplas me “BMW-në. Të dy shoferët pas testit të alkoolit rezultuan negativ.
NJOFTIMI I POLICISË:
Rreth orës 05:15, te ura e “Vasil Shantos”, janë përplasur dy automjete, konkretisht automjeti tip “Skoda” i Patrullës së Përgjithshme të Komisariatit të Policisë Nr. 2 me drejtues Inspektor B. M., 31 vjeç, dhe automjeti tip “BMW” me drejtues shtetasin N. B., 36 vjeç. Si pasojë e përplasjes janë dëmtuar dy drejtuesit e automjeteve, si dhe pasagjerët, shtetasi G. N., 38 vjeç, që ndodhej në automjetin tip “BMW” dhe punonjësi i Patrullës së Përgjithshme Inspektor J. B., 22 vjeç, që ndodhej në automjetin tip “Skoda”.
Të dëmtuarit ndodhen në spitalin e Traumës, nën kujdesin e mjekëve, jashtë rrezikut për jetën. Të dy drejtuesve të mjeteve, iu është bërë testi i alkoolit, dhe ka rezultuar që asnjëri prej tyre, nuk kishte konsumuar pije alkoolike. Grupi hetimor ndodhet në vendngjarje dhe nën drejtimin e Prokurorisë vijon punën për zbardhjen e rrethanave dhe shkakut të aksidentit.
