DIVJAKË– Një trup i dekompozuar është gjetur këtë të premte Në një kanal vaditës në fshatin Korie të Divjakës. Policia bën me dije se personi i gjetur është 60-vjeçari i identifikuar me inicialet R.P. Ai ishte shpallur i zhdukuar dy muaj më parë nga e mbesa. Nga kqyerja paraprake e trupit nuk janë konstatuar shenja dhune.
NJOFTIMI I POLICISË:
Divjakë/Informacion paraprak. Më datë 11.03.2023, rreth orës 10:00, në një kanal vaditës në fshatin Korie, Divjakë, është gjetur i dekompozuar, trupi i pajetë i shtetasit R. P., 60 vjeç, banues në Këmishtaj. Nga kqyrja paraprake, nuk janë konstatuar shenja dhune. Ky shtetas është shpallur në kërkim në datë 30.01.2023, nga Komisariati i Policisë Divjakë, pas kallëzimit të bërë nga familjarët për largim nga banesa. Grupi hetimor po punon për zbardhjen e rrethanave të ngjarjes dhe përcaktimin e shkakut të vdekjes.
