GJIROKASTËR– Një 39-vjeçar është vënë në prangat e Policisë së Gjirokastrës pasi ishte shpallur në kërkim për transport të paligjshëm të emigrantëve. Përmes një njoftimi për mediat Policia bën me dije se 39-vjeçari në bashkëpunim dhe me një adoleshent (të arrestuar ditën e operacionit) më datë 22 korrik të këtij viti kanë tentuar të transportojnë tetë emigrantë të paligjshëm kundrejt pagesës.
NJOFTIMI I POLICISË:
Specialistët e Seksionit për Hetimin e Trafiqeve të Paligjshme, të DVP Gjirokastër, kanë vijuar hetimet e thelluara, si dhe veprimet operacionale, të koordinuara me policitë e qarqeve të tjera, për të identifikuar, kapur dhe nxjerrë përpara përgjegjësisë penale, të gjithë autorët e rasteve të goditura më parë në fushën e dhënies ndihmë emigrantëve, kundrejt pagesave, për të kaluar kufirin, në kundërshtim me ligjin. Si rezultat: -në bashkëpunim me Komisariatin e Policisë Nr. 2, Tiranë, u ndalua shtetasi i shpallur në kërkim në kuadër të operacionit “Road Guard 70”,, 39 vjeç, banues në Tiranë. Më datë 22.07.2023, 39-vjeçari dhe bashkëpunëtori i tij, një 17-vjeçar i arrestuar ditën e operacionit, transportonin me një automjet të marrë me qira, 8 emigrantë.
