MAT– Gjendet i mbytur në një kanal 25-vjeçari nga Mati, i cili prej mbrëmjes së djeshme u raportua i zhdukur nga familjarët të cilët kishin humbur kontaktet me të. I riu u gjet pa shenja jetë në një kanal vaditës në fshatin Shulbatër.
Në trupin e 25-vjeçarit nuk janë konstatuar shenja dhune. Sipas Policisë i riu mund të jetë mbytur aksidentalisht në kanal. Ndërkohë grupi hetimor, në drejtimin e Prokurorisë, vijon punën hetimore për zbardhjen e plotë të rrethanave të kësaj ngjarjeje.
