Italia është vendi i parë perëndimor që bllokon chatbot-in e avancuar ChatGPT, pas shqetësimeve që lidhen me privatësinë e përdoruesve. Autoriteti Italian i Mbrotjes së të Dhënave tha se ky program cenonte privatësinë e njerëzve që zgjidhnin t’i bënin pyetje chatbot-it inteligjent.
Autoritetet italiane kanë thënë se jo vetëm do ta bllokonin chatbot-in e OpenAI, por do të hetonin edhe nëse ishte në përputhje me Rregulloren e Përgjithshme të Mbrojtjes së të Dhënave, në mënyrë që ta dinë nëse është i sigurt përdorimi i platformës inteligjente, duke shtuar se më 20 mars, platforma kishte bërë një shkelje të të dhënave, që cenonte bisedat e përdoruesve. Më pas, thanë se nuk ka asnjë bazë ligjore që justifikon “mbledhjen dhe ruajtjen massive të të dhënave personale, me qëllim të trajnimit të algoritmeve që qëndrojnë në themel të funksionimit të platformës”.
Një tjetër shqetësim është se edhe verifikimi i moshës. Duke qenë se platforma nuk ka asnjë mënyrë për të verifikuar moshën e përdoruesve, atëherë ekziston rreziku i ekspozimit të të miturve ndaj përgjigjeve të papërshtatshme, në krahasim me shkallën e tyre të zhvillimit dhe ndërgjegjësimit.
Që prej krijimit të ChatGPT në nëntor të vitit 2022, janë ngritur disa shqetësime se mos inteligjenca artificiale do të shkurtojë vendet e punës dhe do të zëvendësojë kontributin e njerëzve nëpër kompani.
Në fillim të javës, Elon Musk kërkoi që ky sistem të pezullohej, pasi ishte mëse prezent risku se do të niste gara e zhvillimit të tyre dhe si përfundim, do të dilnin jashtë kontrollit.
Miliona njerëz e përdorin ChatGPT, pasi platforma mund t’u përgjigjet pyetjeve të tyre, në gjuhë natyrale, të ngjashme me atë të njeriut, gjithashtu, mund të imitojë stile të të shkruarit, të formulojë kode programimi, etj. Microsoft ka shpenzuar miliarda dollarë për ta zhvilluar këtë platformë./Anabel
