ITALI– Qytetarët italianë ende nuk kanë shpëtuar nga vala e të nxehtit afrikan, e cila pritet të rikthehet në ditën në vijim duke “paralizuar” sërish vendin. Raportohet se ka 16 qytete me pika të kuqe: Bolonja, Bolzano, Brescia, Firence, Frosinone, Genoa, Latina, Milano, Napoli, Palermo, Perugia, Rieti, Roma, Torino, Trieste, Verona. Portokalli për Venecian dhe Viterbon. Më butë në Bari, Cagliari, Campobasso, Catania, Civitavecchia, Messina, Pescara dhe Reggio Calabria, ku sinjali është i verdhë.
Sipas ekspertëve shumica e rajoneve do të jenë në flakë deri të shtunën më 26 gusht me temperatura deri në 40 gradë mes Qendrës dhe Jugut. Me vapën do të rritet edhe shkalla e lagështisë, duke i bërë netët tropikale, pra me vlera praktikisht gjithmonë mbi 22-23°C.
