VAU I DEJËS– “Nuk kam konflikte me askënd”, kjo ka qenë dëshmia e dhënë para oficerëve të policisë e kreut të Partisë Demokratike të Vaut të Dejës Benard Ndreca, të cilit në orët e para të mëngjesit iu bë atentat me lëndë plasëse tritol, e cila i ishte vënë në pjesën e përparme të makinës. Fatmirësisht ai shpëtoi pa lëndime nga shpërthimi.
Policia dhe grupi hetimor kanë sekustruar kamerat e sigurisë në banesën e Ndrecës me shpresën për të zbuluar ndonjë detaj në lidhje me autorët e sulmit që mund të kishte përfunduar në fatalitet.
