ELBASAN- Disa pjesëtarë të shoqatës së invalidëve në Elbasan kanë vendosur të futen në grevë urie pasi u është ndërprerë pagesa e invaliditetit. Njëri prej tyre është shprehur se ka bërë thirrje ndaj institucioneve dhe nuk ka marrë përgjigje.
“Më kanë bërë me prapambetje mendore, që mos të bëj denoncime. Ka korrupsion të gjallë nga këta perosna që kanë nga 2-3 palë shtëpi. Unë kam qenë i pari që kam hyrë në grevë urie për këtë vit se kam hyrë edhe më përpara. I bej thirrje SPAK-ut që të verifikojnë pasuritë e tyre. I kam cuar dokumentat të instancat, ja kam cuar avokatat të pupullit, ministrisë, Ambasadës ja kam cuar dhe s’kam marrë asnjë përgjigje. Të zhduken hadjitët ata të korruprtuarit. Kërkojnë rezonancë. Unë e di shumë mirë që në dosje nuk ka as rezonancë asgjë. Janë të gjitha dosjet pa rezonancë“, tha një nga banorët.
Një tjetër është shprehur se familjarët e tij nuk mund të kujdesen dot më për të me pagesën e invaliditetit, e cila tashmë është përgjysmuar pasi në dokumentacionin e tyre nuk janë përfshirë të gjitha problemet shëndetësore që ai ka.
“Nga 360 mijë lekë që duhet të merrja unë 260 mijë lekë kam marrë. Nuk ta kemi hequr statusin më thonë je grupi i parë, ke nevojë për përkujdesje nga personi tjetër, i heqim 160 mijë lekë. Kush të mban, unë jam vetë i 4 në shtëpi me nusen, me dy kalamaj të vegjël. Kush të mban me 100 mijë lekë që të të rrijë shoqëruesja ty?”, tha banori tjetër.
