KORÇË– Marjola Myrtollari, gruaja e cila u plagos me thikë nga bashkëshorti i saj të dielën në mbrëmje është nisur këtë të martë me helikopter drejt Spitalit të Traumës pasi gjendja e saj shëndetësore është rënduar. Kështu mjekët e Korçës kanë para të arsyeshme nisjen sa më të shpejtë të saj. Prej së dielës kur dhe ka shkuar në spital me plagët e shkaktuara nga thika gruaja ka qëndruar në reanimacion.
Ngjarja e rëndë dyshohet të ketë ndodhur për shkak të xhelozizë që bashkëshorti i saj Aleko Myrtollari ka pasur ndaj saj. Ky i fundit vijon të jetë ende në arrati duke i shpëtuar Policinë që është vënë në ndjekje të tij por deri më tani pa rezultat. Në momentin qëe ka ndodhur ngjarja në banesë ka qenë vetëm vajza e madhe e familjes, e cila pasi ka parë nënë të mbuluar nga gjaku ka lajmëruar Policinë.
