IZRAEL–Izraeli siulmon Sirinë. Raportohet se në orët e para të mëngjeist Izraeli ka kryer sulme ajrore e në zonat pranë qytetit sirian Homs duke shkaktuar dëme të shumta materiale por fatmirësisht jo viktima. Lajmi u bë me dije nga ushtria e Sirisë përmes një deklarate për mediat ku jepte dhe detaje për sulmin. Një raketë e mbrojtjes kundërajrore siriane shpërtheu mbi territorin izraelit, tha ushtria izraelite, duke nxitur një rund tjetër sulmesh.
Media shtetërore siriane citoi një zyrtar ushtarak të paidentifikuar të ketë thënë se mbrojtja ajrore rrëzoi disa nga raketat e lëshuara nga avionët luftarakë izraelitë, që fluturonin mbi Libanin fqinj. Autoritetet izraelite nga ana tjetër nuk e komentuan sulmin ajror në Homs. Por, ata thanë se një nga raketat siriane të mbrojtjes ajrore shpërtheu mbi territorin izraelit, pa shkaktuar asnjë dëm. Policia izraelite tha se rrënojat e raketës ranë në qytetin jugor të Izraelit, Rahat.
Në kundërpërgjigje, avionët izraelitë sulmuan baterinë e mbrojtjes ajrore nga ku ishte lëshuar ajo raketë. Ushtria tha se goditi edhe objektiva të tjerë, por nuk dha detaje.
