”Së pari, konstipacioni apo kapsllëku, shkaktohet nga zorrët që nuk kanë një valëzim normal në formë, pasi funksioni i tyre nuk është i plotë” e nis kështu intervistën në emisionin e mëngjesit “Rreze Dielli”, në Report Tv , nutricionisti i njohur, duke shtuar se për shkak të kësaj anomalie, krijohen në zorrë mbetje të panevojshme që krijojnë komplikacione të tjera më vonë.
Por cfarë e shkakton kapsllëkun? Janë këto disa nga arsyet kryesore të cilat e shkaktojnë atë:
Së pari, nëse një njeri nuk del jashtë dy herë në ditë, mund të jetë në fazat e para të kapsllëkut. Së dyti, nëse një njeri del jashtë vetëm 3 herë në javë, kjo do të thotë që ky person vuan nga kapsllëku. Një dietë e dobët ushqimore është motiv shumë i madh për të shkuar në kapsllëk. Gjithashtu, ulja e sasisë së ujit që konsumohet gjatë ditës, është motiv që mund të shkaktojë probleme për zorrët.
Por si të shpëtojmë nga kapsllëku? Sipas nutricionistit Altin Joka , një individ duhet të konsumojë sa më shumë ujë gjatë ditës. Konsumimi i tepërt i frutave,sallatrave, perimeve nuk duhet të mungojnë asnjëherë në regjimin tonë ditor, dhe janë ato të cilat na shpëtojnë deri diku prej kapsllëkut. Duhet në mënyrë të menjëhershme ndalimi i konsumimit të yndyrnave, konsumimi i vezëve, djathit hde mishit.
Përsa i përket foshnjeve,rekomandohet fërkimi i barkut, çaji i farave apo dhe ai i mentës.
