TIRANË– Një ngjarje tejet skandaloze është regjistruar këtë të premte në shkollën 9 vjeçare “Kongresi i Manastirit” në kryeqytet, ku në një video të bërë virale në rrjet shihen një grup vajzash që dhunojnë me grushta e shqelma një shoqen e tyre tek dera e shkollës, teksa një vajzë tjetër filmon me celular, dhe përdor fjalor banal, duke nxitur më tej dhunë.
Në lidhje me këtë ngjarje, NewsZone.al kontaktoi me Drejtoreshën e Përgjithshme të Shërbimit Social Shtetëror (SHSSH) Reme Lala, e cila u përgjigj në mënyrë të menjëhershme. Ajo e komentoi ngjarjen si një vepër mjaft e tmerrshme, ku shtoi më tej se institucionet dhe organet përkatëse do marrin masat e duhura.
