VLORË– Fredi Beleri, kandidati i koalicionit “Bashkë Fitojmë” ka kërkuar këtë të shtunë lirimin nga qelia ku qëndron prej mesnatës së djeshme pasi ka probleme shëndetësore. Raportohet se ka kërkuar mjekë në paraburgim, pasi ka pretenduar se nuk është ndjerë mirë nga ana shëndetësore.
Ndërsa miku i tij është shtruar në spital te QSUT në Tiranë, pasi ka pretenduar se ka probleme shëndetësore, duke përmendur se ka bërë një ndërhyrje në zemër, Bypass.
Beleri u ka thënë oficerëve të Policisë se ka probleme me diabetin por dhe se vuan nga një sërë sëmundjesh të tjera. Para daljes në seancën gjyqësore ai ka kërkuar asistencë mjekësore.
