TIRANË– Pas pretendimeve të ish-kryebashkiakut socialist të Bulqizës Lefter Alla se nuk është në gjendje të mirë shëndetësore prandaj dhe kërkon lirinë, Gjykata e Posaçme Kundër Korrupsionit dhe Krimit të Organizuar (GJKKO) ka caktuar një grup të ri ekspertesh për të vlerësuar gjendjen shëndetësore të Allës. Ekspertët e parë e përcaktuan gjendjen e tij të rëndë dhe pretenduan se i rrezikohej jeta në ambientet e paraburgimit. Por kjo nuk i bindi prokurorët e Prokurorisë së Posaçme Kundër Korrupsionit dhe Krimit të Organizuar (SPAK).
LefterAlla u arrestua nga Prokuroria e Posaçme Kundër Korrupsionit dhe Krimit të Organizuar (SPAK) pasi akuzohet për veprën penale të “shkeljes së barazisë së pjesëmarrësve në tendera apo ankande publike” dhe “Shpërdorimi i detyrës”.
