TIRANË– Nëna e 27-vjeçarit Jani Rustemaj, i cili përfundoi në koma pas arrestimit ka bërë denoncime të forta kundrejt policisë në lidhje me rastin e të birit. Në një prononcim për emisionin “Uniko” ajo ka deklaruar se i biri ishte arrestuar për vjedhjen e një tapeti dhe një palë atlete. Ndër të tjera thotë ajo i biri nuk ka pasur probleme shëndetësore si dhe ka rrëfyer momentin kur mori vesh lajmin. Sipas saj duke iu referuar fjalëve të mjekut ajo tregoi se të 27-vjeçarit i kanë dhënë shumë metadon. Po ashtu akuzoi për keqtrajtim efektivët e Komisariatit nr.3.
Dëshmia: Më thanë ke djalin sëmurë. Nuk ma thanë pse, ai nuk kishte asnjë problem. Kam shku dhe kam pyetur te spitali i burgjeve, pyeta se ku e kam djalin. Shkova atje, nuk ishte i shtruar aty, erdha në shtëpi. Pas disa ditëve, më erdhi policia në shtëpi, më thanë shko në spital se ke cunin me ftohje. Djali ishte shumë keq, doktori tha nuk kam shpresa. Ai ishte shumë mirë, i coja paketa. Nuk e di, ishte shumë mirë. Doktori më tha i kanë dhënë shumë metadon. Ai pinte hashash, e dija që pinte, jo shumë, ishte për bukuri.
