Jasir Asani është kthyer pa diskutim në një nga futbollistët më të pëlqyer të sportdashësve shqiptarë dhe jo vetëm pas golit fantastik në ndeshjen mes Shqipërisë dhe Moldavisë të luajtur në stadiumin “Air Albania” ku shënoi dhe golin që do të shënjonte dhe fitoren e kuqezinjve. Goli i tij u vlerësua nga kritikët dhe bëri që e gjithë stadiumi të ngrihej në këmbë.
Sulmuesi nga Shkupi u ndal pas ndeshjes në një intervistë për Federatën Shqiptare të Futbollit ku u shpreh i lumtur për golin dhe shtoi se duhet edhe shumë punë për në Europian. Ai deklaroi se ky është goli më i rëndësishëm i jetës së tij dhe se e kishte premtuar se do shënonte. Këtë të fitore për të dhe kuqezinjtë ai tha se ia dedikon familjes së tij teksa u premtoi tifozëve të njëjtin ritën dhe maksimum në fushë në ndeshjet e radhës.
Jasir Asani: Golin ia dedikoj familjes sepse dëshira ime ka qenë gjithmonë të luaj për Shqipërinë. Të luash me kaq tifozë, nuk e di, nuk mund ta përshkruaj. Këtë gol ia dedikoj të gjithëve sepse kemi bërë shumë në stërvitje. Kishim nevojë për këto dy ndeshje dhe tani shohim të radhës. Normal që sot mund të festojmë por duhet të fokusohemi sepse vjen shpejt ndeshja e radhës. Besoj se do të japim maksimumin sepse ka edhe shumë finale të tjera. Kemi tifozët më të mirë në botë sepse me mbështetjen e tyre ia dolëm dhe shpresoj t’i bëjmë krenar.
Jasir Asani shqiptari i Maqedonisë së Veriut që rrënjët me tokën mëmë i ka pasur gjithmonë të forta ka luajtur me skuadrat më të mira në vend e po kështu dhe jashtë trojeve shqiptare ku ka triumfuar dhe ia ka dalë që të jetë një nga golashënuesit më të mirë. Pas një karriere të sukseshme në klubin e Partizanit në Tiranë ai u transferua në Hungari e më pas në Korenë e Jugut ku së fundmi u shpall dhe më i miri i muajit. Asani shkelqeu në fushë e jashtë saj.
Ky ishte goli i parë për të në në Kombëtare pas afrimit nga trajneri Sylvio Mendes. Goli i parë në kombëtare dhe në një stadium të mbushur plot me zemra Kuq e Zi janë momentin më i bukur i tij në Kombëtare. Mbetet për tu parë performanca në ndeshjen e radhës por një gjë është e sigurt, ai nuk do të zhgënjejë./Newszone
