ZELANDA E RE– Kryeministrja e Zelandës së Re Jacinda Ardern ka njoftuar dorëheqjen e saj. Duke folur para deputetëve të grupit parlamentar Ardern është shprehur se nuk ka mjaftueshëm energji për të bërë detyrën.
“Është koha të ndalem. Po largohem, sepse me një rol kaq të privilegjuar vjen edhe përgjegjësia. Përgjegjësia për të ditur kur jeni personi i duhur për të udhëhequr. Unë e di se çfarë kërkon kjo punë. Dhe e di që nuk kam mjaftueshëm energji për ta bërë siç duhet. Është kaq e thjeshtë,”- tha ajo.
Ardern u bë kryetarja femër më e re e qeverisë në botë kur u zgjodh kryeministre në vitin 2017 në moshën 37-vjeçare. Ajo ka udhëhequr Zelandën e Re përmes pandemisë Covid-19 dhe fatkeqësive të mëdha duke përfshirë sulmin terrorist në dy xhami në Christchurch dhe White Island shpërthim vullkanik.
