TIRANË– Detaje të reja janë zbardhur në lidhje me megaoperacionin e Prokurorisë së Posaçme Kundër Korrupsionit dhe Krimit të Organizuar që çoi në pranga ish-shefin e Forcave Operacionale, Oltion Bistrin, drejtuesin e Prokurorisë së Kukësit, Xhevahir Lita, ish-policin Ardit Hasannega dhe biznesmenin Pëllumb Gjoka, por edhe të tjerë. Ndërkohë ky i fundit del në përgjime duke bërë plane me Behar Bajrin për të kryer vrasjen e Gjin Ndojit. “Jep sa para të duash, veçse të vritet”. Ky është një ndër mesazhet e zbërthyera nga hetuesit, pas përgjimeve që kanë fundosur grupin kriminal që u godit një ditë më parë nga SPAK.
Në përgjime Behari i shpjegon se kishte kontaktuar persona të ndryshëm jo shqiptarë, por kombësi te tjera për të realizuar vrasjen, por me vonë rezulton se vrasjet i kryejnë shtetas shqiptare. Në përgjimet që janë kryer, flitet për shumat që do të paguheshin për vrasjet. Në bisedë Pëllumb Gjoka thotë që të jepen sa para kërkohen, vetëm vrasja të kryhet. Pas vrasjes së Gjin Ndojit në 2020, të dyshuarit i kanë shkuar edhe në varrim.
Bëhet fjalë për shuma nga 100–110 mijë euro që elementë kriminalë jepnin për të kryer vrasje me pagesë. Pazaret bëheshin në “ecro” ose sky që është zbërthyer nga autoritetet franceze dhe autoritet shqiptare. Çkodimi i mesazheve kanë nxjerrë zbuluar zyrtarë të lartë shtetërorë dhe eksponentë të krimit të organizuar.
