GREQI– Vrasja e dy shqiptarëve Kreshnik Çerçizaj dhe Armando Ogrenja në Greqi disa ditë më parë ka ngritur dyshimet se ekzekutimi i tyre mund të jetë urdhëruar nga burgu. Këto dyshime i kanë ngritur mediat greke, të cilat vrasjen e dy shqiptarëve e lidhin dhe me vrasjen e biznesmenit Edmond Papa në zonën e Selitës në kryeqytet. Madje mediat greke përfshijnë në këto akuza Klodian Lekocaj, që sipas tyre mund të jetë urdhëruesi i vrasjes së bashkëatdhetarve të tij. Lekocaj është arrestuar nga policia greke pasi akuzohet se është koka e krimit shqiptar në shtetit fqinj.
Ndërkohë ky i fundit ka reaguar për herë të parë në lidhje me akuzat dhe pretendimet e ngritura kundër tij. Në një lidhje me “Fax News” Lekocaj shprehet se nuk ka gisht në këtë ngjarje madje betohet për shpirtin e nënës së vdekur. Në fund ai shprehet se nuk është i pastër sa qielli por as i pisët aq sa e bëjnë mediat greke.
“Nuk kam dorë në vrasjen e fundit. Policia po e bën këtë për të mbyllur punën e saj. Policia greke e di kush është autori. Ju betohem për shpirtin e nënës që nuk kam lidhje me ngjarjen. Nëse policia e vërteteton, unë do dal lakuriq para burgut.Unë jam me burgim të përjetshëm, nuk më gjen gjë ta pranoj. Nuk jam as i pastër sa qielli dhe as i pisët sa më bëjnë këta” tha ai.
