Një lajm fatkeq vjen nga Brazili në lidhje me futbollistin Junior Tavares i cili në të kaluarën ka ka qenë pjesë e Sampdorias në Serie A dhe që aktualisht është pjesë e Ponte Prata në Brazil, është diagnostifikuar me tumor në tru.
27-vjeçari ishte ankuar se ndjente dhimbje pas çdo goditje të topit me kokë dhe në këtë formë, mjekët e klubit vendosin t’i bënin disa analiza më të detajuara.
Për fat të keq analizat nuk dolën aspak pozitive dhe Tavarez tashmë ka nisur kurën kundër sëmundjes së rëndë. Futbollisti ishte i shtruar në spital, por për momentin është lënë i lirë teksa një opsion është edhe ndërhyrja kirurgjikale, megjithatë mjekët po marrin kohë për të parë si do të reagojë Tavarez nga kura që sapo ka nisur.
