TIRANË– Kryetari i Partisë Demokratike Sali Berisha ka komentuar sërish në lidhje me videot erotike të pretenduara prej tij ku shfaqet ish-agjenti i FBI-së Charles McGonigal me eksponentë të lartë të PS-së dhe jo vetëm. Ai tha se ka një kuriozitet të madh për këtë çështje por ai nuk do i publikojë.
Sali Berisha: Lufta politike nuk është problem koriozitetesh, unë e kuptoj që ai ju tërheq shumë, po unë nuk kam të tërhiqem nga thelbi. Mcgonigal nuk ishte një turist seksi këtu, ishte një varrmihës, erdhi këtu me fuqinë që i besuan SHBA-të për të luftuar korrupsionin. Por në fakt erdhi këtu dhe sulmoi Opozitën. Ajo tjetra është aksesore, kolateral.
