Luis Meçe foli nga krevati i spitalit pak pasi policia kishte lëshuar një mashtrim publik duke deklaruar se Martin Cani dhe ai ishin sulmuar vetëm nga një person.
Ishin pamje tronditëse, të shihje një vogëlush që detyrohej mes dhimbjes të mohonte deklaratën e Policisë së Shtetit, asaj që duhej ta mbronte të miturin.
“Unë dua të vinë e të bëjnë ekspertizën mjekoligjore për ta kuptuar të gjithë që kam plagë nga dy thika të ndryshme. Nuk flas dot më shumë. Kam shumë dhimbje,” tha i mituri.
Pak më herët, babai i tij kishte kërkuar drejtësi. Ai publikoi dokumentin e policit gjyqësor, që shkruante se përplasja është regjistruar mes pesë personash. Mes tyre edhe i dyshuari i dytë për vrasjen e Martinit dhe plagosjen e Luisit.
Ndërsa opinioni publik po ziente nga zemërimi, policia lëshoi dy qëndrime krejt të kundërta.
Por përse u detyrua policia, që duhet të mbrojë shqiptarët, të mashtrojë hapur dhe publikisht?
Arsyeja duhet kërkuar tek Prokuroria e Posaçme.
Personi i dytë i përfshirë në krim është i mituri Kledion Bejkaj, i mbrojtur nga BKH e SPAK.
Kledion Bejkaj është djali i Maksim Bejkajt, hetues në Byronë Kombëtare të Hetimit (BKH), dhe Nevila Bejkajt, Specialiste e
Bejkaj u denoncua publikisht edhe nga i ati i Luis Meçes, i cili ka thënë se i mituri mbante një thikë të vogël dhe ka goditur pas shpine të birin.
Ndër të tjera ai tha se 14-vjeçarin, prindërit me influencë në BKH e SPAK po mundohen ta nxjerrin jashtë Shqipërisë.
Ky krim i mbrojtur nga SPAK dhe BKH është një tregues i qartë se Rilindja dhe e ashtuquajtura drejtësi e re janë një dhe të pandarë.
