TIRANË– Kryetari i Partisë Demokratike Sali Berisha ka deklaruar këtë të mërkurë se nuk do e njohë rezultatin e dalë nga zgjedhjet e 14 majit ku koalicioni “Bashkë Fitojmë”. Përmes një konfrence për mediat kreu i PD deklaroi se nuk do të japë dorëheqjen pasi këto janë teza që sipas tij lëshohen nga ata që duan të justifikojnë dhunimin e votës. Ai tha se ka treguar një standart në politikë në zgjedhjet e viti 2013 ku dha dorëheqjen pas humbjes në zgjedhjet parlamentare. Ai hodhi akuza të forta ndaj kryeministrit Edi Rama për të cilin tha se ka dhënë nga 500 euro për të manipuluar vullnetin e demokratëve.
Pyetje: Morët 1 milionë vota kundër, dhatë dorëheqjen. Morët rezultatet më të këqija. A nuk mendoni se shqiptarët janë lodhur?
Sali Berisha: Këto janë tezat të atyre që duan të justifikojnë dhunimin e votës, nëse doni të bëni një analizë s’dua të futem në të gjitha aspektet. E vërteta është një prpjekje antiligjore. Kjo është me fakte dhe me vendime. Me ndërhyrje, është realitet. Cdo lloj parimi dhe ligji, PD, forca kryesore u fut në zgjedhje pa logo. Pa asnjë financim, cfarë synimi kishin, zhdukjen. është në nderin e atyre 500 mijë qytetarëve që u ngritën mbi to dhe thanë që jemi këtu. Opozita dëshmoi se është e paasgjësueshme, opozita sot është në këmbë, e vendosur të qëndrojë më fuqishëm se kurrë. Përpjekja për asgjesimin mori dështimin. Kemi një statut në parti, se ka njerëz që keqkuptojnë. Përdorin dy lloj mashtrimesh. Statuti ka dy gjera të qarta, ai statut do zbatohet pikë për pikë. Unë kam bërë një betim në vitin 1991, ka qënë që zgjedhjet e para të lira që do humbas do largohem nga politika. Ka qenë betim, dhe do i qendroj, në rastin e parë që ka ndodhur thashë ‘good bye’. Të harrojë kush se unë mund të tërhiqem, vecse nga vota e demokratëve, asnjë presion, përkundrazi, vetëm sa më shtojnë motivet, se shof se lufta për shqiptarë duhet bërë më shumë Ata që rrinë nëpër ekrane… ata rrahin ujin në .. nga viti 91 deri në 2013.. kam humbur zgjedhjet ata që duartrokasin se na erdhi radha, ata janë viktima të një segmenti të shkurtër. Ata që besojnë se kjo blerje masive e votës mund të kapërcehet me frymë, mashtrojnë veten. Ata besojnë se Edi Rama bën zgjedhje të lira dhe pranon rotacionin. Detyrimi për të mbrojtur votën e lirë të shqiptarëve më shtyn të flas para jush: me Edi Ramën nuk ka zgjedhje të lira. Në këto zgjedhje, më shumë se në çdo zgjedhje tjetër në 32 vite, e gjithë qeveria qendrore, e gjithë qeveria vendore, u shndërruan në një makineri mafioze elektorale. Përballë garonin 61 kandidatë, në 61 bashki të vendit, të cilët u votuan nga 510 mijë qytetarë dhe patën zero financime nga financat publike të narkoshtetit shqiptar. Ata të cilët injorojnë këtë realitet, si realitet të papajtueshëm me çdo standard të votës së lirë, ata janë anëtarë të mafies së narkoshtetit ose kanë probleme me veten e tyre. Unë do mbroj votën e lirë! Për rikujtesë, pas ardhjes në pushtet në vitin 2005, në zgjedhjet e vitit 2009, firmosa një vendim ku ndaloja të gjithë zyrtarët, përfshi kryeministrin, që të përdorin për fushatë mjete apo burime zyrtare. Ambasadorja Glover kryesonte vëzhgimin e zgjedhjeve të vitit 2009. Ajo shkruan se ky urdhër i kryeministrit u zbatua plotësisht. Unë në vazhdim do ju njoh ju me të gjithë aspektet e tjera të kësaj farse kriminale të paprecedent. Me Edi Ramën zgjedhje nuk ka dhe këtë çdo shqiptar që dëshiron ose beson se shteti ligjor, se ekonomia e tregut, se e ardhmja garantohen vetëm me votën e lirë, duhet të bëjë gjithçka për të larguar këtë armik të votës së shqiptarëve. Duke thënë këto, garantoj çdo demokrat dhe çdo qytetar, se analiza e të gjithë veprimtarisë elektorale të PD-së do të jetë një analizë e plotë, e thelluar, pa asnjë hezitim, në përputhje me të gjitha normat që kemi.
