TIRANË– Kryetari i Partisë Demokratike Sali Berisha ka reaguar ashpër pas njoftimit të policisë së Shkodrës në lidhje me çmontimin e kamerave të sigurisë të vendosura nga grupet kriminale në zona të ndryshme të qytetit. Në një postim në Facebook kryedemokrati shkruan se krimi kontrollon gjithçka në Shkodër e jo vetëm. Sipas Berishës krimi merr dhe vendimet më kryesore në këtë vend.
POSTIMI I BERISHËS:
Krimi kontroll të rreptë të territorit. Bandat kanë vendosur krahas policisë kamera speciale në shtyllat elektrike në rrugët dhe sheshet e qytetit të Shkodrës për kontrollin e qytetit. Si Shkodra, në sundimin e krimit është e mbarë Shqipëria. Bandat kontrollojnë jo vetëm territorin, por dhe vendimarrjen: në rruge, në zyra, në polici, gjykata, prokurori, qeveri, parlament dhe çdo gjë! Ky është narkoshtet!
