TIRANË– Lulzim Basha pritet ti rikthehet politikës aktive. Raportohet se ish-kryedemokrati Lulzim Basha do të zhvillojë një takim pasditen e sotme me të rinjtë. Në qendër të bisedës pritet të jenë diskutimet për shumë çështje. Kjo lëvizje e Bashës vjen pas humbjes së demokratëve në zgjedhjet e 14 majit.
Mësohet se përpos Lulzim Bashës, kreu i ri i grupit parlamentar Gazment Bardhi do të mbledhë deputetët për të diskutuar për projektligjin e pagave që do të kalojë nesër për votim në Kuvend.
Nga ana tjetër kryetari i Partisë Demokratike Sali Berisha ka lajmëruar mbledhjen e grupit parlamentar në orën 13:00. Kujtojmë se pas humbjes së thellë në zgjedhjet vendore të 14 majit ujërat janë trazuar sërish në kampin blu dhe gjasat për një tjetër rikthium të Lulzim Bashës janë të mëdha.
Duhet thënë që shumicia e deputetëve nuk e duan rikthimin e Bashës ndërsa nga ana tjetër as një Berishë në krye të demokratëve nuk e pranojnë. Mbeten për tu parë zhvillimet më të fundit.
