TIRANË– Ashtu si dhe në Komisionin e Ligjeve dhe të Ekonomisë dhe në Komisionin e Shëndetësisë po zhvillohet me debate të forta projektligji i qeverisë për legalizmin e kanabisit mjekësor. Deputetja e Partisë Demokratike Albana Vokshi teksa u shpreh kundër këtij pr/ligji deklaroi se sot droga shitet hapur nëpër shkollat e vendit. Sipas saj është ende e paqartë se si do të kontrollohet kjo veprimtari. Kjo solli dhe një përplasje mes saj dhe përfaqësuesit të grupit të interesit.
Debati:
Albana Vokshi: Besoj se të gjithë që jetojmë në Shqipëri situatën e rendit, mundësitë e kontrollit nga ana e lizgjzbatuesve, apo dhe kanabizimin e territorit të vendit. Çdo biznesmen kërkon që të fitojë se ndaj i ka hyrë biznesit, mund të ndodhë që të jemi si në rastin e Maqedonisë së Veriut. Të dalin përtej politikës, por më shumë si nënë, mendoj se tani nuk është momenti për këtë nismë. Mendoj se më vonë duhet të shihet kjo gjë. Si prind, si qytetar i këtij vendi jeni dakord që të aplikohet kjo nismë? Si do të kontrollohet kjo nismë?
Grupi i interesit: Jam prind i dy djemve, dhe përpara biznesit kam jetën e tyre. Nuk më intereson fare gjë tjetër. Akoma nuk po dimë të bëjmë dallimin përmes kanabisit industrial dhe atij mjekësor.
Albana Vokshi: Si do të bëhet ky kontroll? Se mund të futen në mes grupet kriminale në këtë çështje. A mund të flas unë? Të bëj një pyetje? Shitet droga hapur në mes të ditës nëpër shkolla dhe ju thoni që hajde ta aplikojmë. Kujdes kur flet me mua kështu! Kur flas unë më dëgjo. Më etikë!
