ELBASAN– Dy persona janë vënë në prangat e Policisë së Elbasanit ndërsa dy të tjerë janë vënë nën hetim pasi akuzohen për vepra të ndryshme penale. Përmes një njoftimi për mediat Policia bën me dije se në pranga ka rënë një 43-vjeçare pasi dyshohet se brenda një kolektori të Ujësjellësit, Elbasan, në lagjen “5-Maji”, ka dëmtuar disa tuba të ujit të pijshëm. Ndërsa një 42 vjeç u kap duke drejtuar mjetin në gjendje të dehur. Një 20-vjeçar dhe një i mitur janë shpallur në kërkim pasi dyshohet se në bashkëpunim me njëri-tjetrin, për shkak të konflikti për motive të dobëta, kanë kanosur me sende të forta, (pistoletë lodër dhe shkop metalik), një shtetas 38-vjeçar.
NJOFTIMI I POLICISË:
DVP Elbasan/Vihen në pranga 2 shtetas, procedohen në gjendje të lirë 2 shtetas dhe shpallet në kërkim 1 tjetër, për vepra të ndryshme penale. Specialistët për Hetimin e Krimeve të Komisariatit të Policisë Elbasan arrestuan në flagrancë shtetasen, 43-vjeçe, pasi dyshohet se brenda një kolektori të Ujësjellësit, Elbasan, në lagjen “5-Maji”, ka dëmtuar disa tuba të ujit të pijshëm. Specialistët e Qarkullimit Rrugor arrestuan në flagrancë shtetasin , 42 vjeç, banues në Prrenjas, pasi u kap nga shërbimet duke drejtuar automjetin, në gjendje të dehur. Specialistët për Hetimin e Krimeve të Komisariatit të Policisë Elbasan referuan materialet në Prokurori ku nisi procedimi në gjendje të lirë për shtetasit 20 vjeç, banues në Elbasan dhe për një 17-vjeçar, si dhe shpallën në kërkim një 17-vjeçar tjetër, pasi dyshohet se në bashkëpunim me njëri-tjetrin, për shkak të një konflikti për motive të dobëta, kanë kanosur me sende të forta (pistoletë lodër dhe shkop metalik), një shtetas 38 vjeç. Sendet e kundërligjshme u sekuestruan në cilësinë e provës materiale. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
