TIRANË– Deputeti i Partisë Demokratike Ervin Salianji gjatë fjalës së tij kërkoi që në seancë të ishte kryeministri Edi Rama. Sipas Salianjit kreu i qeverisë nuk mund të mbrohet nga deputetët e tij. Drebatet u ‘ndezen’ në Kuvend për shkak të çështjes së ish-agjentit të FBI-së Charles McGonigal dhe lidhjet e tij me kryeministrin Edi Rama.
Ervin Salianji: Ne kërkojmë kryeministrin për një aferë personale në cilësinë e kryeministrit, nuk mund ta mbroni ju. Nuk e caktoni dot ju se cilët deputetë bëjnë debat, nuk ka kuptim seanca. është ky kryeministër që i doli skandali i avionit, thoshte që e kam pa lekë, del kontrata e ka nga shërbimet qeveritare. Jua cakton Kushtetuta dhe rregullorja e Kuvendit. Ti japim sens parlamentarizmit. Kërkohet Kryeministri për aferë personale, ka bërë me turp Shqipërinë në të gjitha mediat ndërkombëtare. Mund të na jepni përgjigje? Se ndryshe nuk ka kuptim seanca. ça parlamenti është ky?.
