PODGORICË– Dy persona janë arrestuar në Podgoricë pasi në makinat e tyre u kap një sasi prej 65 kg kanabis. Të rinjtë të identifikuar me inicialet A.D. 27 vjeç dhe I.D. 23 vjeç në momentin që u arrestuan lëviznin me makina të ndryshme, përkatësisht ‘Renault’ dhe ‘Skoda‘. Ata u ndaluan në zonën e Tuzit ku pas kontrollit të mjeteve të tyre, iu gjetën dy çanta me kanabis, me një peshë prej 65 kg në total.
Policia e Podgoricës bën me dije se lënda narkotike është futur kontrabandë nga Shqipëria. Ndërkohë autoritetet vijojnë hetimet në lidhje me ngjarjen për të zbuluar persona të tjerë të përfshirë në trafikun e drogës. Të rinjtë do të përballen me akuzën e ‘trafikimit të lëndëve narkotike’.
