VLORË– Një 28-vjeçar i identifikuar me inicialet V.X është vënë këtë të enjte në prangat e Policisë së Vlorës pasi u kap duke shpërndarë drogë. Raportohet se i riu u kap me 500 doza kanabisi, të cilat dyshohet se i shpërndante dhe shiste nëpër qytet.
Ndërkohë gjatë kontrollit fizik që uniformat blu kanë ushtruar ndaj tij dhe automjetit me të cilin po lëvizte, shërbimet e Policisë kanë gjetur kanabis të ndarë në 500 doza, të cilat u sekuestruan në cilësinë e provës materiale, bashkë me automjetin dhe celularin e tij. Materialet procedurale i kaluan Prokurorisë, për veprime të mëtejshme.
